多謝你有興趣了解【味道人生】石屋咖啡外展隊 ！！

這個活動是由滙豐香港社區夥伴計劃贊助，2023年至今，我們已訓練了超過 50位退休人士成為石屋外展義工隊，讓退休人士可以透過咖啡作媒介接觸社區服務社區。

睇吓上一季嘅精彩介紹

Q&A

Q1. 係咪退休人士至可以參加㗎？
A1. 係啊

Q2. 我係退休人士，但我 30 歲就退咗休，咁我又算唔算退休人士？
A2. 算，年齡不限的，只要是退休人士就可以了。

Q3. 我本身就係沖咖啡高手，唔洗學，咁可唔可以參加啊？
A3. 咁不如留返個位置畀啲未學過嘅朋友參加喇 ！

Q4. 我自問真係唔掂，沖杯阿華田都唔得，怕唔怕阻住大家？
A4. 只要你有心服侍社區就可以，技巧係可以慢慢練習，加上我地係一個團隊，而唔係一個人出動，所以冇問題啊！

Q5. 我可唔可以唔學沖咖啡，學其他嘢？例如沖涼茶？我覺得沖涼茶接觸社區都有得做。
A5. 如果你有其他服侍社區嘅諗法可以同石屋嘅職員聯絡，不過今次我地主題係沖咖啡先，所以留個位畀其他人喇。

Q6. 係咪話除咗沖咖啡仲有學做手工？和社區人士傾偈？還是其中一個？
A6. 係啊，我地環繞住咖啡嘅主題都希望可以納入，然後一齊出去服侍社區，所以都會學埋做手工，又學吓點同人傾偈去接觸社區㗎。

Q7. 除咗退休人士同埋心志之外，仲有冇其他條件㗎？要唔要錢㗎？
A7. 沒有喇，費用全免。

Q8. 有冇多少少具體內容 ？
A8. 睇下呢個答唔答到你，答唔到可以WhatsApp問問石屋職員

Q9. 如果我真係有機會參加，幾時開始要上堂？
A9. 2月就上堂喇，請參考以下時間表。

想報名